قبل ما نتكلم عن الانواع .. عايزين نعرف ايه الموصفات ال Ideal for post
طيب .. هنقولهم و خلوا بالكم منهم عشان دي المسطرة اللي هنقيس عليها كل الانواع .,.
1- Maximum protection to root
بقدر الامكان البوست يحمي الجدر ميكونش حجمه بزيادة اوي فيعمل fracture لل Root مثلا .. ميكونش شكله عامل Stress points بزيادة فيأدي لنفس النتيجة .. يكون reselient قادر على امتصاص جزء من الصدمات لو وقعت عليها مش ازميل حاطينه وسط الجدر مستني بس اللحظة المناسبة
2-Adequate retention within the root for the core and the crown
عشان السنة ضايعة فهوا اللي هيشيل الليلة لوحده .. فعلا قدر الامكان لأزم يكون عنده Retention عالي لضمان نجاحه و نجاح الكور اللي هيشيله فوق راسه
3- Pleasing esthetics when indicated
بمعنى لو سنة anterior و مش هتعملها تعويض بكراون مباشر و المريض هيقعد بيها كده فترة .. الأفضل تستخدم بوست ميتال و لا فايبر اوبتك ؟ الاختيار التاني هيمكون افضل
4- High Radiographic visibility
يعني مثلا لو حطيت بوست فايبر صيني زي ما كلنا بنحط .. و جت الحالة فايلرت .. و دكتور اشتغل فيها بعدك او انتا حتى اشتغلت فيها … مش هتقول على ايه الدكتور الحمار ده اللي سايب قناة طويلة عريضة من غير اندو؟ .. لولا تفتكر من كام سنة عملت كذا و لا كذا … ده غير طبعا الاعتبارات اثناء الشغل انك تعرف البوست وصل لحد فين .. عمل perforation لا قدر الله و لا لأ .. طوله مظبط و لا لأ … الخ
5- Retreivability
انك تقدر تشيله لو احتجت ده … لأنك لو مش هتقدر تشيله هتبقا تضطر انك تخلع الجمل بما حمل .. و ده خيار اكيد صعب و منحبش تعمله
6- Biocompatibilty
يعني ده كان زمان .. لما كانوا بيدخلوا في سبائك البوست رصاص و معادن ثقيلة طبعا يعني مفروض العلم اتقدم و الدنيا افضل دلوقت مع سبائك النيكل كروم و كده .. بس نقطة مهمة و كان لازم نقولها ..
————————————————————————————————————–
Classification
طيب ف الجزء ده هنحاول نتكلم على الانواع المتاحة و المواد المتاحة .. لأنه تقسيمة الكلام ده مش هتخلص .. فهنذكر الانواع الموجودة في السوق و اللي عايز يستزيد فيه التكست بوك يرجعلها ..
————————————————————————————–
1- Metal Post
و ده نوعين
a- custom made
و ده البوست ابن الاصول اللي موجود معانا من 200 سنة و مكمل في ال 300 .. رفيق الكفاح للامالجم .. و قاهر الترندات ..
بص لو عملته صح صعب اي بوست ينافسه و يا سلام لو Gold alloy … و لازم في الحالات معدومة الأمل كأن يكون عندك Remainng root و عايز تطلع بسنة اربع ادوار مثلا .. او عايز تعمل كراون بورسيلين بس و خايف البوست يكسفك و يعمل Flexure مثلا فيبوظ الكراوان .. او انه السنة جاية ب angle صعبة صعب تحط بوست Pre-fabricated فيها .. او في الاسنان صغيرة الحجم و الامكانيات و اللي عايز وتد يشيل السنة زي ال Lowerincisor مثلا .. او اخيرا لو في تركيبة و كل ال abutment ضايعين و عايز بوست يشيل معاك متبقاش مقلق منه
في الحالات دي يظهر الرجل المستحيل نجم البوستات … و ابدأ اشتغل فيه .. بس ربنا يكون في عونك في الامبرشن بتاع الرووت كانال في الساعتين او التلاتة اللي جايين دول 
————————————————————————————–
B-Pre-Fabricated
هنقسمه نوعين ..
a- Stainless steel post
و ده اما يجيلك دوغري و ده نادرا .. يا اما يجيلك gold plated و ده غالبا .. بعيد عن اي حاجة .. قوته ضعيفة و لو هتشتغل بيه اتأكد انه السنة هتشيل معاه .. و متشتغلش بيه بالمقاسات الصغيرة في الاسنان المعدومة خصوصا الضروس .. و تتوقع انه هيشيل الليلة و عملت بوست .. لأ ده حاجة كده زي السيريا بتاعت التوكتوك او زينة عيد الميلاد جنب التورتة … زينة فقط …
اقولك حاجة متشتغلش بيه و خلاص 
.. آه و اخيرا متتوقعش كتير من بوست ب 4.5 جنيه
طبعا ال Flexi post ملوش دعوة بالكلام ده رغم انه اساسا Stainless steel
————————————————————————————–
b- Titanium post or Ni-Ti or Ni- Cr post
ده افضل من اخينا اللي فوق و انصحك تشتغل بيه .. اعتماديته احسن .. قليل ما بتلاقيه اتكسر زي البوست الستانليس .. و مش متعب زي ال custom made … لكن برضو ليه محدودياته و اخره تسند بيه سنة Class IV او ضرس with One wall Remaining … الطف حاجة فيه انه تركيبه سريع و سعره مش فارق كتير عن اخوه اللي فوقيه
طب ال Flexi post ايه حكايته … ؟ هوا مش حكاية اوي اكتر ما انهم عمل شق طولي في التلت التحتاني من البوست عشان يمسك بصورة اكبر و ياخد تفاصيل ال Root canal بصورة اقوى كتير من البوستات العادية .. و شوية تغييرات في التصميم و الشكل و الماتريا بتاعت البوست عشان يدي نتيجة احسن من ال Convential post systems
مميزاته كتير من متانة للبوست نفسه و Retention اعلى و Stress اقل حبتين ..
بس لو معاك تجيبه ك System كامل بريمراته و دريلاته جيبه .. هيكون تجربة كويسة و مفيدة
————————————————————————————–
b- Non – Metallic Post
و دي ظهرت مع ثورة الكومبوزت و حاجة الدكاترة لبوست لطيف ظريف يكون لونه كويس … اول ما ظهر منه كان carbon fiber post لكن مستمرش كتير لأنه لونه مكانش لطيف اوي و كمان كان Radio lucent في الاكس راي ..
و بعدين ظهر Fiber Re enforced post و دي كانت الطف كتير و عدلوا فيها عيوب ال carbon fiber .. و لازال التطوير فيها مستمر لحد دلوقتي .. حاولوا يجودوا و يعملوا زركونيا بوست .. لكن الزركونيا رغم انها قارب الستانليس ستيل في Flexure resistance لكن مسترتش في حاجات تانية كتير و كانت ضعيفة بالمقارنة بالمعدن و محتاجة سمك كبير .. ده غير صعوبة Retreatement بتاعتها و تكلفتها الغالية على الشركات و بالتالي الدكاترة ..
يعني من الآخر المتواجد في السوق حاليا Fiber re enforced post … فهنتكلم عليه دلوقت و باختصار برضو و من غير تطويل ..
1- الانواع المحترمة .. من الفايبر بوست ..
مش رخيصة ابدا و دايما لازم تلبس في كيت تمنها غالي .. لكن في المقابل بتاخد جودة في المنتج .. هتلاقيه ظاهر كويس في الاكس راي … مقاسه جاي مظبوط و كل البوستات نفس مقاس ال color code بتاعها سبحان الله يعني و كمان غير الشغل على الفايبر عشان يديك احسن اداء للبوست كماتيريال .. هتلاقيه معموله surface treatement محترمة بحيث يكون جاهز على الشغل على طول ..
2- الصيني ..
رفيق الشعب الكيت ب 200 جنيه تقريبا و تكفيك عمر … متسألش على الجودة اوي … بس شغال .. و متسألش برضو ليه مظهرش في الاكسراي لأنه بيتكسف … مقاسه حسب التزامه بالدايت .. ساعات بيبقا رفيع شوية او تخين شوية و ساعات بيبقا مظبوط و زي الفل .. الماتيريال نفسها مش بطالة .. ممكن تلاقيه مش هيوصل اللايت لأخر اوي فاديه شوية وقت زيادة في Light curing و انتا بتلزقه و متنساش الcement لازم يبقا Dual cure … ال surface treatement مش موجودة فمتنساش تعمله بوند قبل ما تحطه في القناة ..
متزعلش منه فهو على قد فلوسه .. و المضطر يركب الصعب ..
—————————————————————————————————————
طب ده بالنسبة للماتريال … طب فيه تقسيمات تاني …
يعني لو هنحط تقسيمة اضافية فهيكون على حسب شكل البوست نفسه ..
1- Passive
و دي بتبقا زي مسمار الشيش ملوش اي حلزونات حواليه .. ملمس بدون اي نتوئات .. ده بيكون موجود في ال Custom made cast post و ال fiber Post … ميزته انه مش بيحط اي stress points on Root canal suface .. و غالبا بيبقا جاي في شكل clyndrical or clyndical with taperd end و ده عشان يعوض ال Serration و يديك Good retention Form …
يعتمد في ال Retention على ال Perfect adaptation و adquate cementation .. فمتهزرش معاه في النقطتين دول
————————————————————————————–
2- Active
و ده بقا بيبقا زي المسمار البورمة ليه حلزوناته داير ما يدورو بيكون Tapered .. بيعشق في ال Root canal و ميطلعش منها الا بالطبل البلدي .. بيكون موجود اكتر في Prefabricated metal post بما فيهم ال Flexi- Post .. ميزته انه لو ال Root is short مش هيكسفك و هيديك Retention كويس … و لو عكيت في ال Cementation هيستر عليك …
عيبه انه هيحط Stress points كتير على ال Root … و لو اتعافيت عليه و مقاسه كبير هتلاقيه فركش الرووت منك .. ابن ناس و هيسد معاك بس متبلطجش عليه
————————————————————————————————————–
نخش في الجزء التاني و انواع ال Core Material
و نتكلم بسرعة على ال ideal properties قبل ما نخش في ال Classificatoin
1- High Compressive and Flexure Strength
و دول هنلاقيهم اكتر في الحاجات ال Metal زي Casted Core and amalgam
2- Good sealing ability and Minimal Marginal leakage
و ده عشان ال Cement اللي مثبتين بيه ال post ميدوبش .. و لا قدر الله يوصل Fluid to the apical part and cause endo failure
3- ability to bond to the remaining tooth structre
زي ال Glass ionomer and composite core
و حاجات تانية زي
4- Ease of manuplation , inhbition of caries , less potiential to Water resoption , Dimensional stability و الحمد لله على كده
————————————————————————————–
نيجي بقا لل Classification of Cor Material
و دول هنقسمهم على جزئين ..
1- Monobloc ” custom made core “
2- plastic core material
————————————————————————————–
1- Monobloc ” Casted – Custom made core “
و دي بتيجي مع نوعين للبوست .. زي ال Custome made Metal Post و ال IPS impress or Cad Cam Zarconia post
ميزتها .. مش هقول ميزتها لأنها لا تقارن مع الحشوات لو استخدمناها ك core من حيث طول العمر و استحمال ال stress و استمراريتها حتى لو بحجم صغير في ال Small teeth … و كفائتها لو حطتها في Molar من غير خوف و لا قلق
عيوبها التكلفة العالية و انه بتيجي بس مع ال custom made post طبعا …
و بالمناسبة ,, ملناش دعوة بالزركونيا دي بس جت بالغلط كلامنا كله اكتر على الميتال كور .. خلى الزركونيا دي على جنب لشوية ناس فرحوا بالكاد كام في نص التسعينات و عقلوا و هديوا دلوقت
————————————————————————————–
2- Plastic Core Material
اللي عني استخدام مادة قابلة للتشكيل ك Core .. او بالعربي انك تستخدم حشوة كـ core .. و دي خيار لابد منه في حالة ال Prefabricated بانواعهم ..
الحشوة دي ممكن تكون ..
1- Amalgam …
رغم انه كتير ظالمينه .. لكن متفوق ك core Material عشان سهولة الشغل بيه و ال Self sealing Property و كمان انه Metal فليه عمر طويل و خدمة اعمال شاقة ..
2- Composite …
حشوة لونها جميل و الشغل بيها معقول .. لكن في حتة ال Sealing ability الكومبوزيت مش احسن حاجة و اقل بكتير من الامالجم و هتلاقي Marginal leakge كبيرة
3- Glass ionomer
… كويس جدا و بيلزق في السنة Chemical زي ما احنا عارفين … يفضل انه متحطش تحت Stress area لأنه ال wear Resistance بتاعته محدودة و غير كده .. مادة ضعيفة .. محاولات كتير تمت لتحسينه و هتلاقي انواع من ال Glass ionomer نزلت كـ Core بس مع fillers زي الفضة و الزركونيا و السيرامك .. يعني نقدر نقول انه المحاولات دي نجحت في تحسين المادة بشكل كبير … لكن برضو موصلش انه يبقا امالجم مثلا
————————————————————————————–
و بكده نكون خلصنا انواع ال Post & Core
Dentistry
