سلام عليكم .. ايه الاخبار ؟ 
هندردش شوية في الاورثو ... و مش في البوست ده بس ... ان شاء الله ربنا يوفقنا و تكون سلسلة دمها خفيف كده و مفيدة ليكم ....
هنبدأ بأول حاجة ... و هي Ortho Timing يعني بالعربي امتا نبدأ في علاج الاورثو؟؟؟؟ ...
--------------------------------------------------------------------------------------
في اي فرع من فروع الاسنان دايما اول ما يظهر العرض الافضل يبدأ العلاج ...
و بدئنا بدري في العلاج في الاورثو هيخلي العلاج اكثر فعالية و محتاج trauma ا اقل للـ Bone اللي هيكون سهل تشكيله بكتير اثناء فترة الطفولة .. و هنحتاج خلع اسنان اقل و اعراض المشكلة هتبان اقل مع تقدم العيان في السن من لو اننا بدئنا في وقت متأخر ...
كلام جميل بس فيه مشكلة .. تخيل انك تجبر طفل يلبس حاجات الاورثو الفضائية من هوا اربع خمس سنين " مشكلة طبعا " ... و تخيل برضو جمجمة و اسنان لطفل بتتغير كل شهر .... فده خلانا نعيد التفكير في الوقت ... و نقول انه ممكن ميكونش بدري اوي كده ..
طبعا علمائنا بتوع الاورثو "اللي مرضوش يعلمونا حاجة عنه في الكليات "و كهنة آمون اجتمعوا مع الفضائيين بتوع كوكب المريخ و بحثوا المسألة دي ...
و استقروا انه عامة و كقاعدة افضل وقت في العلاج للاورثو
"late mixed dentition >>>> just before of loss Dec. E s "
و السبب انه هنقصر فترة العلاج قدر الامكان لو بدئنا في الفترة دي ... و ممكن نستفيد من النمو الحاصل السريع للجسم ... و طبعا هيكون الطفل في الSchool age .. بالتالي هيفهم التعليمات و سهل يلتزم معانا ... غير اننا مش هنضيع الاستفادة من ال Leeway space بتاعت الـ Es
لكن كالعادة لكل قاعدة شواذ و الشواذ كتير و خصوصا لو Skeletal ... و فيه حالات مش بنلتزم فيها بقاعدة ال Es دي ...
-------------------------------------------------------------------------------------
1- class iii patient
ده كده كده نبدأ معاه بدري either dental or skeletal , as cross-bite causes traumatic occlusion and interferes with maxillary growth ....
A- dental class iii : immediate treatment to solve crossbite , even in deciduous
B- skeletal class iii: wait till age of -at least-7 yrs old (if u want to use chin cup) to prevent Ankylosis of condyles
خصوصا الحالات زي cl III due to Maxillary hypoplasia حلو تبتديها بدري " at early mixed dentition" عشان نعمل Bone Remodeling مستريح
-------------------------------------------------------------------------------------
2- class ii
A- dental class ii : wait the eruption of canines (11-12 yrs ) to do retraction of ca and incisors
B- skeletal class ii : wait age of maximum growth spurt (look to cervical spines in lateral cephalometric) : و دي الحالة اللي بيوصي بعلاجها متأخر و تقريبا الوحيدة ... و افضل وقت لعلاجها في فترة المراهقة و تحديدا ال growth sprout للطفل .. تقريبا 9 -11 للبنت و 11- 13 للولد ... و ده تقريبا لأنه بيكون اكبر فترة بيكبر فيها الـ mandible ... فهيستجيب اكتر للعلاج في الفترة دي ...
-------------------------------------------------------------------------------------
طب بعيد عن الـ Skeletal Classes لو حالة Cl I ابدأ فيها براحتي بقا ؟؟
اقولك مش دايما .. لو عندك حاجة من الحاجات دي ابدأها بدري ..
a- over-jet , ant cross bite بدء علاجهم بدري " at early mixed dentition " هيكون احسن .. عشان العيال ميقولوش على الواد انه بضب و نفسيته تنجرح بقا و بتاع .. و كمان ﻷنه في الفترة دي بيكون معرض جدا للخبطات نتيجة تنطيطه الكتير في فترة طفولته عدم وجود حماية عن طريق الشفة لبروز الاسنان ...
b- post cross bite ... برضو الافضل علاجها بدري لانها هتؤدي لمضغ الضروس للشفة من ناحية الخد و احتمال كبير انها هتنتقل زي ما هي لو ما اتعالجتش بدري لل
permanent dentition
c- Other special cases
Like cases of serial extraction ( bilateral severe crowding class i patient with no other spaces available )
Start ttt approximately at age of 8.5-9 yrs (during eruption of laterals)
--------------------------------------------------------------------------------------
يعني باختصار لو هتقعد الحالة من غير complication للـ late mixed dentition و مفيش فرص دهبية من ناحية ال"growth " سيبها ..
Dentistry
