انهي الاحسن “Reciprocation Vs Rotation ” وليه ؟
الناس اللي بدات تشتغل بالروتاري او وهي بتشتري او هتشتري الجهاز سمعت عن مصطلح الReciprocation وانه حاجه جامده بقى وكده واحسن من الRotation
طاب هل الكلام ده صح…طاب هو يعني ايه اصلا
ما تيجي نشوف سوا
ال Reciprocation
Endodontic motion in which the file is continously engaging and disengaging the root canal walls
Goes in a back and forthe motion
Which can be simple
Or combined with different angles of rotation motion
يعني ايه التعريف الطويل ده ؟
ببساطه الفايل بيلمس الكانال وبعد كده يسبها بيتحرك لقدام و لورا
ممكن تبقى هي دي حركته وبنسميها
Simple reciprocation
وممكن تبقى معاها rotation بزاويا مختلفه
على الناحية التانيه..ال Rotation
Traditional 360° of continous rotation of rotary file in the canal
اول ما اخترعوا الروتاري جربوه الاول بفايلات Stst لقوه انه تمام لو الcanal straight
غير كده لو الcanal curved بيحصل مشاكل
فاتجهوا لفايلات ال NiTi واللي اشتغلت تمام بال Rotation Motion لانها superelastic
لكن هي في نفس الوقت torque senstive
فاول ما عملوا ال Pure NiTi واشتغلت Rotation لقوا ان فايلات بتتكسر منهم كتير
لان المصانع مكنتش موضحه للناس المفروض يشتغلوا بيها ازاي..بانهي طريقه
ناس كانت بتشتغل بفايلات الروتاري زي ال Drills وتزق بعزم ما فيها
طاب ايه هي افضل طريقة اصلا ؟
هي ال Brushing strokes يعني بتتحرك بفايل الروتاري زي ريشه الرسام كده
ولان المصانع مفهمتش المشكلة فين ومقدرتش توصل ان الناس مش فاهمه طريقه الشغل
اتجهوا لتطوير ال Handpieces وال motors و ال motions
○○○○○○○○○
لحد ما وصلوا لل Reciprocation motion لانها بتقلل ال Torque increase
لكن المشكلة هنا انها عملت كده على حساب نقطتين مهمين :
1.Debris Accumulation:
نوع الحركه ده زود كمية ال Debris اللي طالع من الفايل و في نفس الوقت مفيش منفذ ليها
طاب هي بتعمل كده ازاي ؟
لو رجعت للتعريف هي بتلف backward و forward
معنى كده انها لما بتلف باتجاه معين بتاخد معاها Dentin chips جوا ال flutes
فلما ترجع تلف العكس بتروح مطلعه ال chips دي تاني جوا ال canal space
بالتالي بقى عندي accumulation كبير
ولو متابع بوستاتنا اللي فاتت
احنا قولنا ان كل ما كمية ال Debris تزيد خصوصا في ال Apical 1/3
ده هيعرضك لانها تتزق برا الapex و يزود نسبة حدوث ال post operative pain
لما قارنوا نسب حدوث ال Post Op. Pain في الحالات اللي اشتغلوها بال Reciprocation motion وال Rotation motion
لقوا ان الناس بيحصلها الم اكتر بعد استخدام ال Reciprocation عشان كده بينصحوا دايما مستخدميها
انهم يعملوا irrigation اكتر بكتييير عشان يقللوا ال Debris Packing
°°°°°°°°°°°°°°°°°°
2.Dentinal micro cracks on canal wall:
لما ال Reciprocation دي بتكون
Combined with single file technique
ده بيزود ال Torque اللي الكانال بتتعرضله بالتالي تبدا تعملك micro cracks في ال canal wall
طاب هو ايه ال Single File Technique ده
ده Technique هدفه انك تستخدم فايل واحد وتدخل تشيل اكبر كمية من ال Dentin
ويحضر الكانال للFinal Shape
الفايل ده بيكون Thick و Tapered وبيشتغل تحت High Force عشان يوصل لل Full Working Length
بالتالي هو ده اللي بيعملي ال Microcracks
هي نفس فكره الشنيور لما بيدخل جامد لجوا عشان يعمل حفرة في الحيطه
بيحتاج قوة و كمان بتلاقيه مطلع كمية نشاره كبيرة
بالتالي ال microcracks دي هنا هنسميها
Accumulative trauma
لانك مش شايفها في الاكس راي
لكن هي في الواقع بتكون اضعف من اي canal اشتغلتها rotary عادي
وبتكون عمرها اقل كمان بالنسبة لل restorablility
○○○○○○○○○○○○○
على الناحية التانيه ال Rotation :
1.Debris Release :
لا يا عم متضخكش علينا..release ازاي يعده بيلف على طول
ال Release بيحصل لما تشتغل rotary صح
تعمل كده ازاي !
احنا قولنا قبل كده brushing strokes
بتدخل بالفايل بحركه الريشه single stroke وتطلع…لما تطلع المفروض تنظف الفايل
ب Endo Swap او Gauze
او حتى تحطه جوا ال irrigation
هما بيبقوا كام stroke وخلاص
طريقه الشغل دي اسمها File as Spone
لانك بتدخل تاخد كمية Debris محترمه وتطلع بيها كلها لبرا
تنظف الفايل وتدخل تاني
كل الكلام ده عملنا حاجتين حلوين
قلل ال Torque اللي كان الناس بتزوده لعدم معرفتهم بالتالي مفيش فايلات هتتكسر
ومبقاش عندي Debris accumulation لاني بخرجها اول باول لبرا
°°°°°°°°°°°°°°°°
2.No or Few Microcracks
لو بتشتغل بفايل الروتاري زي ما شرحنالك فوق
فانت كده بترسم وفرصه حدوث اي microcracks بتبقى في حالتين
لو انت فضلت مصمم انك تشتغل بقوتك مش بال Brushing action
او لو كانت ال Canal ضيقه شوية وانت بتعافر قصادها
وبرضو في كل الاحوال بتكون اقل من ال Reciprocation
الله..طاب استنى ثواني..امال الناس هتتجنن على ال Reciprocation ليه كده وحباه اوي
فين ال إن !!
الناس بتفضل ال Reciprocation عشان
هما مصدقين ان ده Safer Instrumentation Technique
عشان قصة التورك اللي شرحناها في البداية
واللي غالبا بيشتغلوا اقل من 100 حالة اندو في السنة
بالتالي اولويتهم بتكون الامان مش ال Effieciency
لو انت من محبي ال Reciprocation ومش مقتنع بالكلام تقدر تشوف ال Papers في الصور
حاليا من كام شهر عشان يحلوا مشكلة ال Reciprocation دي ..عملوا سيتسم جديد اسمه ESR
فيه 5 فايلات 45 و 30 و 25 و 20 و 17
وقالوا يا جماعه احنا هنستخدمه Multi file crown down
بس مش هنطلع بين كل stroke احنا هنطلع كل 3..وننظف الفايل زي الrotation عادي
وبعدين ننقل للفايل اللي بعده
ولازم تعملوا irrigation كتيييير جدا
لقوا ان ده قلل ال Post Op. Pain وفي نفس الوقت امان
بس طولي فتره الشغل..بعد ما كنت بشتغل بفايلين بعد ال Orifice Opener
بقيت بشتغل بفايلات كتير ولغيت ميزة ال Single File اللي هي اصلا معتمدين عليهم في جذب الناس لل Recipeocation
فالموضوع بقى عامل زي ودنك منين يا جحا
وبكده نكون خلصنا موضوعنا للنهارده
Dentistry
